Çox ağlama mənim üçün sağam mən,
Durub gəzmə, yer üzündə yoxam mən.
Aç sinəni, sinən üstə dağam mən,
Ört qapını-sinən üstə gəz məni.

Həsrətinə göz olmuşam o gündən,
Həsrətindən köz olmuşam o gündən.
Köçür məni-söz olmuşam o gündən,
Üzsəm səni-dəftərindən üz mənim.

Sevgin ilə başımı çox qatmısan,
Məndən qaçıb-həsrətimə çatmısan.
Heç bilmirəm haralara atmısan,
Axtarsa da-tapmaz heç bir qız məni.

Heç soruşma, yelə dönən sorağam,
İşiğıma kölgə salan çırağam.
Can deyiləm, can çəkilmiş varağam,
Bu şəkildə bəyənməzsən-əz məni…