Qapına gəldim ki,qovasan məni,
Bəlkə bu sevgidən baş alıb gedəm…
Həsrətə qəlbimdə yer eyləməyə,
Biraz ürəyimi boşaldıb gedəm.
Gördü məhəbbətdən uzaq düşmüşəm,
Bu sevgi uzaqdan səslədi məni.
Gedim ki,saraldıb-soldursun biraz,
Sarışın saçının həsrəti məni.
Səndən artıq yanıb sənsizliyimə,
Boynuma dolanır söz,qucağımda.
Onsuz da ömrümə gələn deyilsən,
Qoy qalım ömürlük öz qucağımda.